डहाणुतील शाळांना साहित्य वाटप

कासा, ता. १२ (बातमीदार) ः वटवाशी राममंदिर कळमदेवी व टोयो इंजिनिअरिंग ग्रुप मुंबई यांच्या सौजन्याने जिल्हा परिषद शाळा रायपूर या शाळेतील सर्व विद्यार्थ्यांना शालेय बॅग, सँडल, शैक्षणिक साहित्यवाटप करत शाळेसाठी पाण्याची टाकी, टोप, खेळाचे साहित्य भेट म्हणून दिले. या वेळी मंदिर ट्रस्ट व टोयो इंजिनिअरिंग ग्रुपचे संदीप शिंदे, सचिन शिंदे, हेमंत पवार, जितेंद्र पाटील, श्रीकांत निकम, संजय घोडके आदी मान्यवर उपस्थित होते. साहित्यवाटप कार्यक्रमात शिक्षक अरुण चव्हाण यांनी उपस्थित मान्यवरांचे स्वागत केले; तर सुरेश गवळी यांनी आभार मानले.