गिरगावच्या समर्थ मठात नामस्मरण सप्ताह

मुंबादेवी, ता. २३ (बातमीदार) ः गिरगावातील श्रीस्वामी समर्थ मठात अखंड नामस्मरण सप्ताह सुरू झाला असून भाविकांना मुक्त प्रवेश मिळत असल्याने त्यांच्या चेहऱ्यावरील आनंद ओसंडून वाहत आहे.
२३ ते ३० एप्रिलदरम्यान हा सप्ताह आहे. नामस्मरण, अखंड श्रीगुरुचरित्र पारायण, श्रीस्वामी कृपामृत पारायण दररोज होणार आहे. दक्षिण मुंबईतील कुलाबा, मलबार हिल, मुंबादेवी, भायखळा, वरळी, शिवडी, तसेच मुंबईच्या विविध भागांतून आणि मुंबई बाहेरूनही स्वामीभक्त हजेरी लावत आहेत. शनिवारी (ता. ३०) सांगता समारोप होईल. तेव्हा स्वामींची भव्य पालखी मिरवणूक निघेल, अशी माहिती मठाच्या विश्वस्तांनी यांनी दिली.