रायगड चॅम्पियन्स क्रिकेट लीग शुक्रवारपासून

अलिबाग, ता. २७ (बातमीदार) : रायगड क्रिकेट आणि वेल्फेअर असोसिएशनतर्फे जेएनपीटी मैदान (उरण) येथे रायगड चॅम्पियन्स क्रिकेट लीग ट्वेन्टी-२० क्रिकेट स्पर्धा शुक्रवार (ता. २९) पासून रंगणार आहे. स्पर्धेसाठी जिल्ह्यातील २८५ क्रिकेटपटूंनी नोंदणी केली होती. त्यातून १६० खेळाडूंची निवड करण्यात आली. जिल्ह्यातील आठ संघ स्पर्धेत सहभाग घेणार आहेत. प्रत्येक संघात २० खेळाडू आहेत. रणजीपटू योगेश पवार, भरत सोळंकी यांच्यासह अनेक दिग्गज खेळाडू स्पर्धेत खेळणार आहेत. १९ वर्षांखालील दोन, २५ वर्षांखालील तीन आणि खुल्या गटातील सहा असे ११ खेळाडू प्रत्येक संघात असतील.