वदप येथे ८२ दात्यांचे रक्तदान

कर्जत (बातमीदार) : तालुक्यातील वदप येथील नेताजी संघ वदप कुशिवली, ग्रामस्थ मंडळ वदप - कुशिवली, जय हनुमान सेवा मंडळ वदप, दोस्ती ग्रुप यांच्या संयुक्त विद्यमाने समर्पण ब्लड बँक घाटकोपरच्या सहकार्याने ८२ दात्यांनी रक्तदान करून शिबिराला उत्स्फूर्त प्रतिसाद दिला. वदप गावातील मारुती मंदिराच्या सभागृहात झालेल्या शिबिराचे उद्‍घाटन सरपंच निरा विचारे यांच्या हस्ते करण्यात आले. याप्रसंगी उपसरपंच लीलाधर गायकवाड, सार्वजनिक रक्तदाता राजाभाऊ कोठारी, समीर येरूणकर, अजित पाटील, कैलास पोटे, आत्माराम गायकवाड उपस्थित होते. कोठारी यांनी रक्तदानाचे महत्त्व सांगितले. ॲड. योगेश देशमुख यांनी सर्वप्रथम रक्तदान केले. समर्पण ब्लड बँकेच्या डॉ. फरीन खान यांच्या मार्गदर्शनाखाली धनश्री साळवी, हर्षद साळवी, धीरज गुप्ता, लता देशक, अनुराधा वायदंडे, सिद्धेश तांबे आदींनी रक्त संकलनाचे काम केले.