महाडमध्ये नेत्र तपासणी शिबिर

अलिबाग (बातमीदार) : मातोश्री सेवाधाम आरोग्यसेवा ट्रस्ट मुंबई संलग्न महाराष्ट्र संरक्षण संघटना मी मराठी एकीकरण समिती रायगड यांच्या संयुक्त विद्यमाने मोफत नेत्र तपासणी शिबिर घेण्यात आले होते. महाड नवेनगर प्राइड इंडिया येथील कार्यालयात हे शिबिर घेण्यात आले होते. या शिबिराला नागरिकांकडून उत्स्फुर्त प्रतिसाद मिळाला. लाभार्थींना माफक दरात चष्मा उपलब्ध करून दिला. याप्रसंगी अक्षय भोसले, प्रतिक जगताप, नीलिमा पार्टे, रश्मी गायकवाड, रेणुका चोरगे, प्रिया भोसले, प्रणाली जगताप आदींनी मेहनत घेतली. मातोश्री ट्रस्टचे मुख्य विश्वस्त अमित बने, डॉ. मनोज चव्हाण यांचे मोलाचे सहकार्य लाभले.