ओम वॉरिअर्स संघ आगरी प्रीमियर लीगचा मानकरी

पाली (वार्ताहर) : सुधागड तालुकास्तरीय आगरी प्रीमियर लीग २०२२ क्रिकेट स्पर्धा नुकत्याच पालीतील पंचायत समिती कार्यालयासमोरील क्रीडांगणात झाल्या. या स्पर्धेत यश ॲण्ड ओम वॉरिअर्स संघाने प्रथम क्रमांक पटकावला आहे. या संघाचे मालक राहुल ठोंबरे व मंगेश ठोंबरे हे आहेत. संघाला आकर्षक चषक व रोख पारितोषिक देण्यात आले. हा चषक भाजप दक्षिण रायगड जिल्हाप्रमुख राजेश मपारा यांनी दिला. विजयाबद्दल संघाचे सर्वांनी कौतुक व अभिनंदन केले.

पाली : पारितोषिक स्वीकारताना यश ॲण्ड ओम वॉरिअर्स संघ.