भाल ते एकविरा देवी पायी दिंडी

अलिबाग : तालुक्यातील भाल येथील नागरिक १५ वर्षांपासून नित्यनियमाने एकविरा देवीच्या दर्शनासाठी दिंडीने जात असतात. यंदा भाल ते पुणे जिल्ह्यातील कार्ला येथील एकविरा देवी मंदिर अशी पायी दिंडीचे आयोजन गुरुवारपासून (ता. १६) करण्यात आले आहे. भाल येथील दिलीप भगत यांच्या नेतृत्वाखाली ही पायी दिंडी निघणार आहे. भाल, कनकेश्वरफाटा, पेझारी, पेण, खोपोलीमार्गे ही दिंडी खंडाळा घाटातून कार्ला येथे रविवारी (ता. १९) पोहचणार आहे. त्यानंतर सोमवारी (ता. २०) पालखीच्या परतीच्या प्रवासाला सुरुवात होईल.