अलिबागमध्ये होणार दहिहंडी उत्सव

अलिबाग, ता. १ : शेतकरी कामगार पक्षातर्फे साजरी होणारी मानाची दहीहंडी यंदा पुन्हा त्याच जोमाने अलिबागमध्ये साजरी केली जाणार आहे. अलिबागचे माजी नगराध्यक्ष प्रशांत नाईक यांनी याबाबतची घोषणा केली. कोरोनामुळे हा सोहळा दोन वर्ष स्थगित करण्यात आला होता.
शेतकरी कामगार पक्ष पुरोगामी युवक संघटना, अलिबागमधील प्रशांत नाईक मित्र मंडळ यांच्या संयुक्त विद्यमाने अलिबागमध्ये हा उत्सव साजरा करण्यात येणार आहे. १९ ऑगस्ट रोजी गोपाळकाल्यानिमित्त अलिबागमधील शेतकरी भवनसमोर दहीहंडी उत्‍सव साजरा होणार आहे. या वेळी तालुकास्तरीय अटींचे पालन करणाऱ्या गोविंदा पथकाला प्रवेश देण्यात येणार असल्‍याचे जाहीर करण्यात आले.