राष्ट्रसेवा दलाचा सामाजिक सलोखा कार्यक्रम

खोपोली (बातमीदार) : राष्ट्रसेवा दल रायगडच्या वतीने खोपोली येथील लोहाण समाज सभागृहात सामाजिक सलोखा अभियान अंतर्गत कार्यक्रम घेण्यात आला. रायगड जिल्ह्यातील राष्ट्रसेवा दलाचे सामाजिक कार्यकर्त्यांनी एकत्रित येऊन जाती-धर्मामध्ये राष्ट्रीय एकात्मिकता, सामाजिक सलोखा वाढवण्यासाठी पुढाकार घेण्याचे ठरवले. डाव्या पुरोगामी विचारांचे पुरस्कर्ते असणारे साने गुरुजी यांच्या आदर्शाची आणि त्यांनी दिलेल्या उपदेशाची या राष्ट्राला गरज असल्याचे प्रतिपादन सचिव नवनाथ गेंड यांनी केले. प्रत्येक आघाडीच्या कार्यकर्त्यांनी संघटना वाढीसाठी काम करणे आवश्यक असल्याचे यावेळी गेंड यांनी सांगितले. दलाचे भाई ओव्हाळ, दीपक पाटील, विनोद कडव, कल्याणी वाझे, आशा देशमुख, ॲड. आनंदराव गायकवाड, नंदू खंडागळे उपस्थित होते.