खोपोलीत सुशोभीकरणासाठी ३० लाखांचा निधी

खोपोली (बातमीदार) : आमदार महेंद्र थोरवे यांच्या माध्यमातून खोपोली नगरपालिका क्षेत्रातील शेडवली, चिंचवली, उदयविहार (लौजी) येथील विविध विकास कामांसाठी ३० लाखांचा निधी उपलब्ध झाला आहे. यासाठी माजी नगरसेवक अमोल जाधव यांनी सातत्यपूर्ण पाठपुरावा केला. या निधीच्या माध्यमातून उदयविहार (लौजी) परिसर, चिंचवली येथील स्मारक, शेडवली येथील गार्डन आणि परिसर आदींचे सुशोभीकरण पूर्णत्वास जाणार आहेत.