क्षुल्लक कारणावरून मारहाण

महाड (बातमीदार) : तालुक्यातील इसाने कांबळे येथील मशिदीच्या परिसरामध्ये क्षुल्लक कारणावरून झालेल्या मारहाणीत दोघे जण जखमी झाल्याची घटना शनिवारी (ता. ७) रात्री ८.३० वाजता घडली. पोलिसांनी याप्रकरणी चौघांवर गुन्हा दाखल केला आहे. अब्दुल काळसेकर (२४) यांनी महाड एमआयडीसी पोलीलि ठाण्यात तक्रार दाखल केली आहे. त्यांच्या तक्रारीनुसार ते नमाजापूर्वी वजू करण्यासाठी जात असताना उन्हेस काळसेकर यांचा धक्का लागला. यात दोघांमध्ये वाद निर्माण झाला. त्याचे पर्यवसन हाणामाणीत झाले. त्यानंतर मशिदीतून नमाज पठण करून बाहेर आल्यानंतर आदिल खलील काळसेकर, आयुब अजीज काळसेकर, खलील अजीज काळसेकर आणि उन्हेस काळसेकर यांनी एकत्र येत अब्दुल यांना बेदम मारहाण करून जखमी केले. यात जिया काळसेकर ही देखील जखमी झाली आहे. याप्रकरणी पोलिसांनी या सर्वांवर गुन्हा दाखल केला आहे. अधिक तपास पोलिस नाईक व्ही. एस. काळंगीरे करत आहेत.