सेवांतर्गत बी. एड. शिक्षणक्रमाचे प्रवेश सुरू

मुंबई, ता. ५ : यशवंतराव चव्हाण महाराष्ट्र मुक्त विद्यापीठाचे वर्ष २०२२-२३ साठी सेवांतर्गत बी. एड. शिक्षणक्रमाचे ऑनलाईन प्रवेश आजपासून सुरू झाले आहेत. ज्या शिक्षकांची सध्या शाळांवर सेवा सुरू आहे ते आणि इच्छुक विद्यार्थी २५ मेपर्यंत त्यासाठी ऑनलाईन अर्ज भरू शकतात. अर्जांचे स्वयंसंपादन करण्याची मुदत २७ ते ३१ मे पर्यंत देण्यात आली आहे. बी. एड. शिक्षणक्रमाच्या ऑनलाईन प्रवेशासाठी, तसेच इतर माहिती आणि वेळापत्रकासाठी विद्यापीठाच्या http://ycmou.digitaluniversity.ac व http://ycmou.ac.in या संकेतस्थळावर भेट द्यावी, असे आवाहन मुक्त विद्यापीठाचे कुलसचिव डॉ. दिनेश भोंडे यांनी केले आहे.