दिवसभरात २५३ नवीन कोरोनाबाधित

सकाळ वृत्तसेवा
मुंबई, ता. ७ : राज्यात शनिवारी (ता. ७) २५३ नवीन रुग्णांची नोंद झाली असून दिवसेंदिवस ही संख्या वाढत आहे. आता राज्यातील कोरोनाबाधित रुग्णांची एकूण संख्या ७८,७९०५४ झाली आहे. आज १३६ रुग्ण बरे होऊन घरी परतले. राज्यात आजपर्यंत एकूण ७७,२९,९३१ कोरोनाबाधित रुग्ण बरे होऊन घरी गेले आहेत.

यामुळे राज्यातील रुग्ण बरे होण्याचे प्रमाण ९८.११% एवढे झाले आहे. दरम्यान, राज्यात आज एकूण १२७७ ॲक्टिव्ह रुग्ण आहेत. त्यामुळे दिवसेंदिवस सक्रिय रुग्णही वाढत असून राज्याची चिंता वाढली आहे. राज्यात शुक्रवारी एकाही कोरोनाबाधित रुग्णाच्या मृत्यूची नोंद झालेली नाही. सध्या राज्यातील मृत्युदर १.८७% एवढा आहे. आजपर्यंत तपासण्यात आलेल्या ८,०३,५५,०७२ प्रयोगशाळा नमुन्यांपैकी ७८,७९,०५४ (९.८४ टक्के) नमुने पॉझिटिव्ह आले आहेत.