40 वर्षीय व्यक्तीच्या अवयवदानामुळे एकाला जीवदान

४० वर्षीय व्यक्तीचे
मुंबईत अवयवदान
मुंबई, ता.९ : नानावटी रुग्णालयात शनिवारी (ता. ७) पार पडलेल्या अवयवदानामुळे एकाला जीवनदान मिळाले आहे. मुंबई विभागातील हे १७ वे अवयवदान ठरले आहे. नानावटी रुग्णालयात एका ४० वर्षीय नागरिकाचा मृत्यू झाला. त्यानंतर रुग्णाच्या नातेवाईकांना तेथील डॉक्टर आणि प्रत्यारोपणाच्या समन्वयकांनी कुटुंबीयांना अवयवदानाबद्दल माहिती दिली. त्यानंतर कुटुंबीयांनी अवयवदानासाठी होकार दिला. डॉक्टरांनी तपासणी करून यकृताचे दान करण्यात येईल, अशी माहिती विभागीय अवयवदान आणि प्रत्यारोपण समितीला दिली. त्यानंतर अवयवदान आणि प्रत्यारोपण करण्यात आले, अशी माहिती मुंबई विभागीय अवयवदान आणि प्रत्यारोपण समितीचे समन्वयक उर्मिला महाजन यांनी दिली.