यूपीआय ॲपवरूनही मिळणार लोकलचे तिकीट

मुंबई, ता. १२ : लोकलने प्रवास करणाऱ्या लाखो प्रवाशांना तिकीट खरेदी करण्यासाठी तिकीट खिडकी, एटीव्हीएम मशीनसमोर प्रवाशांच्या मोठ्या प्रमाणात रांगा लागतात. त्यात त्यांचा बराच वेळ जातो; मात्र आता रेल्वेने यूटीएस काउंटर आणि एटीव्हीएमवर क्यूआर/यूपीआय सुरू करून डिजिटल पेमेंट सुरू करण्यात येणार आहे. त्यामुळे लवकरच प्रवाशांना यूटीएसशी संलग्न असलेल्या फोन-पे, गुगल-पे आणि पेटीएमसारख्या यूपीआय ॲपचा वापर करून लोकल तिकीटचे पेमेंट करता येणार आहे.