उच्च न्यायालयात दोन नवे न्यायमूर्ती

मुंबई, ता. ४ : कॉलेजियमच्या शिफारशीनंतर केंद्र सरकारने मुंबई उच्च न्यायालयात दोन नव्या न्यायमूर्तींची नियुक्ती केली. न्यायालयीन अधिकारी ऊर्मिला जोशी-फाळके आणि भारत देशपांडे यांची शुक्रवारी न्यायमूर्तीपदावर नियुक्ती करण्यात आली. राष्ट्रपतींनी याबाबत सरन्यायाधीशांशी चर्चा केल्यानंतर या नियुक्तीला मान्यता दिली. न्या. जोशी-फाळके या शहर दिवाणी न्यायालयाच्या प्रधान न्यायाधीश आहेत, न्या. देशपांडे हे गोव्यातील असून तेथील प्रधान जिल्हा न्यायाधीश आहेत. या दोघांच्या नियुक्तीमुळे उच्च न्यायालयात एकूण ५८ न्यायमूर्ती झाले आहेत.