राज्यात बीए. ५ चे आणखी दोन रुग्ण

सकाळ वृत्तसेवा
मुंबई, ता. १६ : भारतीय पर्यावरण अभियांत्रिकी संशोधन संस्था (नीरी), नागपूर यांच्या ताज्या अहवालानुसार नागपूर येथे बीए. ५ व्हेरिएंटचे २ रुग्ण आढळून आले आहेत. या नव्या रुग्णांसह राज्यात आतापर्यंत आढळलेल्या बीए. ४ आणि बीए. ५ रुग्णांची संख्या १९ झाली आहे. नागपूरमध्ये आढळलेल्या दोन रुग्णांपैकी एक रुग्ण २९ वर्षीय पुरुष असून दुसरा रुग्ण ५४ वर्षांची महिला आहे. त्यांनी मागील आठवड्यात अनुक्रमे केरळ आणि मुंबई येथे प्रवास केला आहे. ६ जून आणि ९ जून रोजी ते कोविड बाधित आढळले होते. या दोघांचेही लसीकरण झालेले असून हे दोन्ही रुग्ण घरी विलगीकरणात बरे झाले आहेत.