मुंबईत दिवसभरात १,२६५ नवे कोरोना रुग्ण

मुंबई, ता. ३० : मुंबईत कोरोना रुग्णसंख्येत चढ-उतार पाहायला मिळत आहे. मुंबईत गुरुवारी दिवसभरात १,२६५ नव्या रुग्णांची नोंद झाल्याने बाधितांची एकूण संख्या ११ लाख १२ हजार ४९२ वर पोहोचली आहे; तर दिवसभरात एका रुग्णाचा मृत्यू झाल्याने मृतांची संख्या १९ हजार ६१० वर पोहोचली आहे. दरम्यान, दिवसभरात २,४७८ रुग्णांनी कोरोनावर मात केल्याने आतापर्यंत १० लाख ८२ हजार २५२ रुग्णांनी कोरोनाला हरवले आहे. त्यामुळे मुंबईत सध्या १० हजार ६३० सक्रिय रुग्ण आहेत.