दिवसभरात कोरोनाच्या ९७८ नवीन रुग्णांची नोंद

सकाळ वृत्तसेवा
मुंबई, ता. १ : मुंबईत कोरोनाच्या चौथ्या लाटेचा चढ-उतार पाहावयास मिळत आहे. शुक्रवारी दिवसभरात ९७८ नवीन रुग्णांची नोंद झाल्याने बाधित रुग्णांची संख्या ११ लाख १३ हजार ४७० वर पोहोचली आहे; तर दिवसभरात दोन रुग्णांचा मृत्यू झाल्याने मृतांची संख्या १९ हजार ६१२ वर पोहोचली आहे. दरम्यान, दिवसभरात १,८९६ रुग्णांनी कोरोनावर मात केल्याने आतापर्यंत १० लाख ८४ हजार १४८ रुग्णांनी कोरोनाला हरवले आहे. त्यामुळे मुंबईत सध्या ९ हजार ७१० सक्रिय रुग्ण आहेत.