मुंबईत कोरोनाचे ७६१ नवे रुग्ण

मुंबई, ता. ३ : मुंबईतील कोरोनाची रुग्णसंख्या घसरणीला लागली असून रविवारी दिवसभरात ७६१ नव्या रुग्णांची नोंद करण्यात आली. त्यामुळे मुंबईतील एकूण बाधित रुग्णांची संख्या ११ लाख १५ हजार ४२ वर पोहोचली आहे, तर दिवसभरात तीन रुग्णांचा मृत्यू झाल्याने मृतांची संख्या ही १९ हजार ६१७ वर पोहोचली आहे. दरम्यान, दिवसभरात १,६९७ रुग्णांनी कोरोनावर मात केल्याने आतापर्यंत १० लाख ८७ हजार ७५४ रुग्णांनी कोरोनाला हरवले आहे. सध्या मुंबईत सात हजार ६७१ सक्रिय रुग्ण आहेत.