राज्यात कोरोनाचे २५१५ नवीन रुग्ण

मुंबई, ता. २२ : राज्यात आज कोरोनाचे २५१५ नवीन रुग्ण सापडले; तर २४४९ रुग्ण बरे होऊन घरी गेले आहेत. आतापर्यंत एकूण ७८,६७,२८० कोरोनाबाधित रुग्ण बरे होऊन घरी गेले आहेत. यामुळे राज्यातील रुग्ण बरे होण्याचे प्रमाण ९७.९७ टक्के एवढे आहे. राज्यात आज सहा कोरोनाबाधित रुग्णांच्या मृत्यूची नोंद झाली आहे. सध्या राज्यातील मृत्युदर १.८४ टक्के एवढा आहे. आतापर्यंत तपासलेल्या ८,२८,३४,९५७ प्रयोगशाळा नमुन्यांपैकी ८०,२९,९१० (९.६९ टक्के) नमुने पॉझिटिव्ह आले आहेत. राज्यात सद्यस्थितीत १४५७९ सक्रिय रुग्ण आहेत.