कोरोनाच्या दिवसभरात २३८ नवीन रुग्णांची नोंद

सकाळ वृत्तसेवा
मुंबई, ता. २४ : मुंबईतील कोरोना रुग्णसंख्येत दिवसागणिक घट होत असून रविवारी दिवसभरात मुंबईत केवळ २३८ नव्या रुग्णांची नोंद झाली; तर दिवसभरात दोन रुग्णांचा मृत्यू नोंदवला गेला. मुंबईत आता एकूण बाधित रुग्णांची संख्या ११ लाख २२ हजार ९१२ वर पोहोचली असून मृतांची संख्या १९,६४० वर पोहोचली आहे.
दरम्यान, २७४ रुग्णांनी कोरोनावर मात केल्याने आतापर्यंत ११ लाख एक हजार ४५५ रुग्णांनी कोरोनाला हरवले आहे. त्यामुळे मुंबईत सध्या एक हजार ८१७ सक्रिय रुग्ण आहेत.