गोवंडीतील प्रदूषणाबाबत खुलासा करा!

गोवंडीतील प्रदूषणाबाबत खुलासा करा!

मुंबई, ता. १६ : गोवंडीतील जैववैद्यकीय कचऱ्यावरील प्रक्रिया प्रकल्पातून बाहेर पडणाऱ्या प्रदूषणामुळे आरोग्यावर विपरित परिणाम होत असल्याच्या आरोपांबाबत खुलासा करण्याचे निर्देश उच्च न्यायालयाने मुंबई महापालिकेला बुधवारी दिले.
गोवंडीतील बैंगनवाडी परिसरात सन २००९ मध्ये जैववैद्यकीय कचऱ्यावरील प्रक्रिया प्रकल्प उभारण्यात आला; मात्र या प्रकल्पात नियमांचे उल्लंघन करण्यात आले असून स्थानिक लोकांना आरोग्याबाबत धोका निर्माण झाला आहे, असा आरोप करणारी जनहित याचिका गोवंडी न्यू संगम वेल्फेअर सोसायटीच्या वतीने करण्यात आली. प्रभारी मुख्य न्या. एस. एस. गंगापूरवाला आणि न्या. संदीप मारणे यांच्या खंडपीठापुढे याचिकेवर बुधवारी सुनावणी झाली. हा प्रकल्प लोकवस्तीपासून सुमारे पाचशे मीटर दूर असायला हवा. यातून निघणारा काळा धूर आरोग्यासाठी घातक आहे, असा आरोप याचिकेत करण्यात आला. न्यायालयानेही याचिकेची दखल घेतली असून केंद्रीय प्रदूषण नियंत्रण मंडळ आणि महापालिकेला खुलासा करण्याचे निर्देश दिले आहेत. दरम्यान, याचिकेवरील पुढील सुनावणी २३ मार्चला होणार आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com