व्हाईट ओक कॅपिटलचा मल्टी अॅसेट अॅलोकेशन फंड

मुंबई, ता. ३० : व्हाईट ओक कॅपिटल म्युच्युअल फंडातर्फे व्हाईट ओक कॅपिटल मल्टिअॅसेट अॅलोकेशन फंड बाजारात आणला असून तो ३ ते १० मेदरम्यान गुंतवणुकीसाठी खुला राहील. या ओपन एंडेड म्युच्युअल फंडामार्फत शेअर, कर्जरोखे, परदेशी कंपन्यांचे शेअर तसेच सोने-चांदीच्या गुंतवणुकीची साधने आदींमध्ये ठराविक प्रमाणात गुंतवणूक केली जाईल, अशी माहिती व्हाईट ओक कॅपिटल म्युच्युअल फंडाचे सीसीईओ आशीष सोमय्या यांनी दिली; तर या फंडामार्फत वेगवेगळ्या गुंतवणूक साधनांमध्ये गुंतवणूक केली जाणार असल्याने कोणत्याही एका मालमत्तेच्या भावात चढ-उतार आले तरी इतर मालमत्तांच्या साह्याने या फंडाची कामगिरी सरस राहील. त्यामुळे याच्या किमतीतील चढ-उतारही कमी होतील आणि दीर्घकालासाठी चांगली मूल्यवाढ मिळेल, अशी माहिती फंडाचे चीफ बिझनेस ऑफिसर प्रतीक पंत यांनी दिली.