घाटकोपरमध्ये इमारतीस आग

घाटकोपरमध्ये
इमारतीस आग
मुंबई, ता. २७ : घाटकोपर येथील झुनझुनवाला कॉलेजजवळील मेट्रोपोल इमारतीत आज संध्याकाळी साडेपाचच्या सुमारास आग लागल्याची घटना घडली. ही आग इमारतीच्या दुसऱ्या मजल्यावरील बंद कार्यालयात लागल्याची प्राथमिक माहिती अग्निशमन दलाने दिली. घटनेबाबत कळताच मुंबई अग्निशमन दल, पोलिस, रुग्णवाहिका, अदाणी कंपनीचे कर्मचारी दाखल झाले. काही वेळातच आग नियंत्रणात आणण्यात आली. या घटनेत कोणतीही जीवितहानी झाली नाही. प्राथमिक अंदाजानुसार ती विद्युत बिघाडामुळे लागल्याची शक्यता व्यक्त केली जात आहे.