लोखंडी सळई पडून तरुणाचा मृत्यू

लोखंडी सळई
पडून तरुणाचा मृत्यू
मुंबई, ता. १२ ः निर्माणाधीन इमारतीवरून लोखंडी सळई पडून झालेल्या अपघातात अमर पगारे नामक व्यक्तीचा मृत्यू झाला. ही घटना बुधवारी अंधेरी पूर्व परिसरात घडली. या प्रकरणी एमआयडीसी पोलिसांनी अपघाती मृत्यूची नोंद चौकशी तपास सुरू केला आहे. बांधकामासाठी लागणाऱ्या काँक्रीटच्या विटा (ब्लॉक) घेऊन एक ट्रक निर्माणाधीन इमारतीजवळ पोचला. मूळचा नाशिकचा रहिवासी असलेला अमर त्या ट्रकसोबत क्लिनर म्हणून आला होता. पहाट असल्याने मजूर झोपले होते. सकाळी ते उठल्यावर विटा उतरवून अमर ट्रकसोबत माघारी जाणार होता. तोपर्यंत झोपायला जाण्यासाठी निघाला असता, इमारतीच्या सातव्या मजल्यावरून एक लोखंडी सळई त्याच्या डोक्यावर पडली. त्यात तो गंभीर जखमी झाला; मात्र उपचार मिळण्यापूर्वीच त्याचा मृत्यू झाला.