मालाडच्या रुग्णालयाला बाबासाहेबांचे नाव द्या

मालाडच्या रुग्णालयाला
बाबासाहेबांचे नाव द्या
मंगलप्रभात लोढा यांची सूचना
मुंबई, ता. ६ : मुंबई उपनगर जिल्ह्याचे सहपालकमंत्री मंगलप्रभात लोढा यांच्या हस्ते आज मालाड-मालवणी येथे केईएम नागरी आरोग्य प्रशिक्षण केंद्राचे उद्‌घाटन करण्यात आले. महापरिनिर्वाण दिनानिमित्त आदरांजली म्हणून या रुग्णालयाला ‘भारतरत्न डॉ. बाबासाहेब आंबेडकर हॉस्पिटल’ असे नाव देण्याची सूचना मंत्री लोढा यांनी केली.

अनेक वर्षे रखडलेले हे रुग्णालय महायुती सरकारच्या कार्यकाळात वेगाने पूर्ण करण्यात आले. पूर्वी छोट्या प्रमाणात असलेले हे केंद्र आता मोठ्या स्वरूपात नागरिकांच्या सेवेत रुजू होणार असून, येथे एकाच वेळी साधारण ४०० रुग्णांवर उपचार करता येतील. अत्याधुनिक उपकरणे आणि पायाभूत सुविधांमुळे येथील नागरिकांना उच्च दर्जाची आरोग्यसेवा मिळणार आहे.