डोंबिवलीत मिसळ महोत्सव

डोंबिवली, ता. २७ ः भाऊ चौधरी फाऊंडेशनच्या वतीने मिसळ महोत्सवाचे आयोजन डोंबिवलीत करण्यात आले आहे. डोंबिवलीकर खाद्य प्रेमींसाठी ही एक पर्वणी असून या महोत्सवात कोल्हापूरची चवदार मिसळ, नाद खुळा मिसळ, स्वाद मिसळ, सांगलीची खवा मिसळ, कणकवलीची आचरेकर मिसळ व जुन्नर व कल्याणची मातोश्री मिसळ, देहूची विद्याश्री मिसळ, पारनेरची राजेशाही मिसळची चव चाखायला मिळणार आहे. २९ एप्रिल ते १ मे या कालावधीत सायंकाळी ५ ते रात्री १० या वेळेत सावळाराम क्रीडा संकुल, घारडा सर्कल, डोंबिवली पूर्व येथे हा महोत्सव भरणार आहे. येवल्याची सुप्रसिद्ध पैठणी, हस्तकलेच्या वस्तू देखील या महोत्सवात असणार आहेत.