उमेळे येथील साकाई देवीचा यात्रोत्सव

वसई, ता. २८ (बातमीदार) : उमेळे गावाचे ग्रामदैवत व तालुक्यातील भक्तांचे श्रद्धास्थान असलेल्या श्री साकाई देवीचा यात्रोत्सव उद्या (ता. २९ ) होणार असून सकाळी ७ ते रात्री १२ वाजेपर्यंत देवीच्या दर्शनाचा लाभ भक्तगणांना घेता येणार आहे. उमेळे ग्रामस्थ देवस्थान मंडळाच्या वतीने उत्सवाचे आयोजन करण्यात आले आहे. या उत्सवात भक्तगणांनी उपस्थित राहण्याचे आवाहन उमेळे ग्रामस्थ देवस्थान मंडळाच्या वतीने करण्यात आले आहे.