रविवारी शिवसेवा मंडळातर्फे स्वरसंध्या

ठाणे, ता. २८ (बातमीदार) : शिवसेवा मित्र मंडळ, ठाणे पूर्व यांच्या ५५ व्या वर्धापनदिनाचे औचित्य साधून जुन्या आणि नव्या गाजलेल्या मराठी हिंदी गाण्याच्या मैफिल ‘स्वरसंध्या’ रविवारी (ता. १) आयोजित करण्यात आली आहे. रविवारी सायंकाळी ६:३० वाजता ठाणे पूर्व येथील श्री संत तुकाराम महाराज क्रीडांगण कोपरी येथे स्वरसंध्या पार पडणार आहे. या स्वरसंध्येला गायिका प्रीती निमकर, शाकंबरी कीर्तिकर, सूर नवा ध्यास नवा फेम प्रशांत काळुंद्रेकर, सतीश भानुशाली हे गायक रसिकांना आपल्या गाण्याने मंत्रमुग्ध करणार आहेत. मैफिल प्रेक्षकांसाठी विनामूल्य असणार आहे. मैफिलीचे निवेदन मयुरेश साने करणार आहेत.