मासेमारी बोट समुद्रात बुडाली

मालाड, ता. ३० (बातमीदार) ः मढ येथील विजया लक्ष्मण कोळी यांच्या मालकीची मासेमारी बोट हिरुई प्रसन्ना किनाऱ्यापासून सुमारे आठ किमी अंतरावर शनिवारी (ता. ३०) सकाळी सुमारे ८.३० वाजता बुडाल्याचे समजते. या बोटीतील खलाशांना मढ पातवाडी गावातील विष्णू शिमग्या कोळी यांच्या बोटीतील कोळी बांधवांनी वाचवले आहे. त्यामुळे मोठी जीवितहानी टळली आहे. बुडालेली बोट व मदत कार्य करणाऱ्या बोटींना समुद्रातून बाहेर काढून किनाऱ्यावर आणण्यासाठी तत्काळ मदतीची गरज असून मढ दर्यादीप सोसायटीचे संतोष कोळी यांनी मत्स्यव्यवसाय मंत्री, आयुक्त आणि संबंधितांना तत्काळ मदतीचे आवाहन केले आहे.