महापालिकेच्यावतीने कामोठ्यात आरोग्य शिबिर

पनवेल : पनवेल महापालिकेच्यावतीने स्वातंत्र्याचा अमृत महोत्सव साजरा करत आहे. या अंतर्गत महाराष्ट्र दिनाच्या निमित्ताने १ मे रोजी रक्तदान व आरोग्य तपासणी शिबिराचे आयोजन कामोठे येथील माजी आमदार दत्तूशेठ पाटील विद्यालयात करण्यात आले आहे. नागरिकांनी सदर आरोग्य शिबिर व रक्तदान शिबिरामध्ये सहभाग घ्यावा, असे आवाहन आयुक्त गणेश देशमुख यांनी केले. कामोठे सेक्टर ९ येथील माजी आमदार दत्तूशेठ पाटील विद्यालयात सकाळी १० ते दुपारी २ या वेळेत आयोजन केले आहे. महापालिका आयुक्त, उपायुक्त, अधिकारी वर्ग यांच्या प्रमुख उपस्थितीमध्ये शिबिर संपन्न होणार आहे. सामाजिक संस्था व गृहनिर्माण सोसायटीच्या दहापेक्षा जास्त सभासदांनी एकत्र येऊन रक्तदान केल्यास सदर संस्थेला विशेष सहभाग प्रमाणपत्र देऊन गौरविण्यात येईल.