बस स्थानकाच्या जागेवर रिक्षांचे अतिक्रमण

पालघर, ता. ३ (बातमीदार) ः लॉकडाऊनमध्ये बंद झालेली केळवे रोड रेल्वे स्थानक बस सेवा सोमवारपासून सुरू करण्यात आली आहे. ही सेवा सुरू करण्यासाठी डहाणू वैतरणा प्रवासी सेवाभावी संस्था, ज्येष्ठ नागरिक संघ व लायन्स क्लब यांनी पाठपुरावा केला. ही बससेवा सुरू झाली असली, तरी मात्र केळवे बाजार येथे जो बस स्टॉप गेली अनेक वर्षे आहे तिथे आता रिक्षाचालकांनी अतिक्रमण केले आहे. त्यामुळे बस रस्त्यावरच उभी करावी लागत आहे.
केळवे बाजारामधील बस स्टॉपभोवती रिक्षाचालकांचे अतिक्रमण झाले आहे. बस स्टॉप रिक्षांच्या अतिक्रमणात सापडल्यामुळे बस रस्त्यावर उभी करावी लागते. त्यामुळे बस स्थानकाची हक्काची जागा मिळवून देण्यासाठी आता पुन्हा प्रयत्न करावे लागतील, असे या प्रवासी संघटनेकडून सांगण्यात आले आहे.