माजी सभापतींचा सत्कार

शहापूर, ता. ३ (बातमीदार) ः तालुक्याच्या विकासात योगदान देणाऱ्या शहापूर पंचायत समितीच्या माजी सभापती, माजी उपसभापती यांचा सत्कार करण्यात आला. पंचायतराजच्या हीरक महोत्सवानिमित्ताने पंचायत समितीच्या सभापती यशोदा आवटे यांच्या अध्यक्षतेखाली उपसभापती नयन फर्डे यांच्या प्रमुख उपस्थितीत गटविकास अधिकारी भास्कर रेंगडे यांनी या कार्यक्रमाचे आयोजन केले होते. या वेळी माजी सभापती विनायक धानके, गजानन गोरे, सखाराम जाधव आणि महेश धानके, बाळू वरकुटे, गीता पाटील यांनी आपले मनोगत व्यक्त करून पदाधिकारी म्हणून काम करत असतानाच्या आठवणी सांगितल्या.