नोकरीच्या अमिषाने फसवणूक करणाऱ्या महिलेविरोधात गुन्हा

अंबरनाथ, ता. ३ (बातमीदार) ः रेल्वेमध्ये तिकीट तपासनीस आणि हेल्परच्या नोकरीचे प्रलोभन दाखवून १३ जणांकडून ५९ लाख रुपये उकळणाऱ्या सुशीला देशवारे (६०) या महिलेविरोधात शिवाजीनगर पोलिसांत फसवणुकीचा गुन्हा दाखल झाला आहे. नाशिक येथील जगदीश चौधरी यांनी याप्रकरणी पोलिसांत तक्रार दाखल केली होती. देशवारे यांनी ऑगस्ट २०१८ ते १० जानेवारी २०२२ या कालावधीत मयूर चौधरी, ज्ञानेश्वर पाटील, चेतन चौधरी, राहुल रमेश चौधरी, जगदीश वाघ, संदीप शेलार, राहुल राजेंद्र चौधरी, गणेश चौधरी, धनंजय ठाकरे या सर्वांकडून रेल्वेत नोकरी लावण्याचे प्रलोभन दाखवून ५९ लाख रुपये उकळल्याची माहिती शिवाजीनगर पोलिसांनी दिली.