ठाण्यात शिवगान स्पर्धा

ठाणे, ता. ३ (बातमीदार) : महाराष्ट्र दिनाचे औचित्य साधून भाजप सांस्कृतिक प्रकोष्ठ, ठाणे शहर यांच्या वतीने शिवगान स्पर्धा आणि लोककलावंतांचा सन्मान या कार्यक्रमाचे आयोजन करण्यात आले आहे. शिवगान स्पर्धेच्या प्राथमिक फेरीला १ मेपासून सुरुवात झाली असून ती ७ मेपर्यंत सुरू राहणार आहे. या स्पर्धेची पहिली फेरी ऑनलाईन माध्यमातून घेतली जाणार असून स्पर्धेत छत्रपती शिवाजी महाराजांवरील गीते, पोवाडे, भारूड आदी कलाप्रकार स्पर्धकांनी सादर करायचे आहेत. इच्छुकांनी ८३६९९५०४४९ / ७५०६२३१७७७ या क्रमांकावर आपला व्हिडीओ काढून पाठवायचा असून यातून १२ व्हिडीओ निवडून त्याची अंतिम फेरी १२ मे रोजी सायंकाळी ६ वाजता डॉ. काशिनाथ घाणेकर नाट्यगृह, ठाणे येथे संपन्न होणार आहे. ही स्पर्धा सर्वांसाठी खुली आहे. विजेत्यांना रोख पारितोषिक देण्यात येणार आहे.