कामगार संघटनेच्या तालुका अध्यक्षपदी विश्वनाथ माळी

विक्रमगड, ता. ३ (बातमीदार) ः गवंडी, बांधकाम मजूर व जनरल कामगार संघटनेच्या विक्रमगड तालुका अध्यक्षपदी विश्वनाथ पांडुरंग माळी यांची निवड करण्यात आली आहे. संघटनेचे संस्थापक अध्यक्ष भीमराव बागूल यांच्या हस्ते माळी यांना नियुक्ती पत्र देण्यात आले. विश्वनाथ माळी यांनी सांगितले की, माझ्यावर टाकण्यात आलेली जबाबदारी मी पूर्ण क्षमतेने पूर्ण करेल. तसेच तालुक्यात संघटना वाढवण्यासाठी प्रयत्न करीन.