महात्मा बसवेश्वर जयंती उत्साहात

कासा, ता. ३ (बातमीदार) ः शिवा कर्मचारी महासंघातर्फे महात्मा बसवेश्वर यांची जयंती साजरी करण्यात आली. कार्यक्रमाच्या अध्यक्षस्थानी डॉ. बालाजी हिंगणे होते; तर प्रमुख वक्ते म्हणून डॉ. बसवेश्वर पांडागळे व धर्मराज पाटील, डॉ. शैलेंद्र मंगनाळे, डॉ. प्रकाश हिमगिरे, डॉ. अश्विनी मंगनाळे, डॉ. अश्विनी हिंगणे आदी उपस्थित होते. कार्यक्रमाचे सूत्रसंचालन प्रभाकर जंगम यांनी केले; तर माधव आबंदे यांनी प्रास्ताविक केले. कार्यक्रम यशस्वितेसाठी जयंती मंडळाचे अध्यक्ष शैलेश पाटील, मंडळाचे सल्लागार एम. तिडोळे, दत्ता शेरकर यांनी मेहनत घेतली.