बोर्डी ईद उत्साहात साजरी

बोर्डी, ता. ३ (बातमीदार) ः बोर्डी येथे मुस्लिम बांधवांनी ईद मोठ्या उत्साहात साजरी केली. मागील दोन वर्षांत कोरोनाच्या पार्श्वभूमीवर लावण्यात आलेल्या नियमावलीमुळे मुस्लिम बांधवांना सामुदायिक प्रार्थना करता आली नव्हती; मात्र यंदा नियमांत शिथिलता असल्यामुळे समाजातील ज्येष्ठ नागरिक मेहबूब खलिफा, रमझान खलिफा, रमझान अजमेरी यांच्या उपस्थितीत मुस्लिम बांधवांनी शांततापूर्ण वातावरणात सामुदायिक प्रार्थना केली. या वेळी गावातील हिंदू बांधवांनी मुस्लिम बांधवांना शुभेच्छा दिल्या. घोलवड पोलिस ठाण्याचे पोलिस निरीक्षक रवींद्र पारखेंसह पोलिस निरीक्षक मयूर शेवाळे यांच्या मार्गदर्शनाखाली ईदगाह तसेच मशिदीच्या परिसरात चोख पोलिस बंदोबस्त ठेवण्यात आला होता.