‘माझी कॉर्पोरेट दिंडी’ पुस्तकाचे प्रकाशन

डोंबिवली, ता. ३ ः ग्रंथाली प्रकाशित माधव जोशी लिखित ‘माझी कॉर्पोरेट दिंडी’ या आत्मकथन पुस्तकाचे प्रकाशन खासदार डॉ. श्रीकांत शिंदे, आमदार रवींद्र चव्हाण, उदय निरगुडकर, जॉर्ज वर्गिस, चंद्रशेखर टिळक, श्रीकांत पावगी, सुधीर जोगळेकर, सुदेश हिंगलासपूरकर यांच्या उपस्थितीत करण्यात आले. बहुराष्ट्रीय कंपन्या आणि टाटा उद्योग समूहात गेली ५० वर्षे कार्यरत असलेले जोशी यांनी आपले अनुभव, सहवासात आलेले रतन टाटा, हरीश साळवे, व्हर्जिनचे रिचर्ड ब्रानसन, अरुण शौरी, पी. चिदंबरम, ज्योती बसू, सोमनाथ चटर्जी, कांशीराम आणि इतर अनेक महत्त्वाच्या देशी-विदेशी व्यक्तींबद्दल आणि या कंपन्यांच्या कार्यसंस्कृतीबद्दल या पुस्तकात लिहिले आहे. व्यावसायिक जगतात तरुण पिढीला मार्गदर्शन ठरेल असे हे पुस्तक आहे, असे पुस्तक प्रकाशनावेळी मान्यवरांनी सांगितले.