भांडुपच्या युवकांची वरळीत जनजागृती

भांडुप, ता. ३ (बातमीदार) ः भांडुपमधील युथ ऑन द मूव्ह संस्थेच्या माध्यमातून वरळी नाका येथे कर्कश हॉर्नबाबत टॅक्सी चालकांमध्ये जनजागृती करण्यात आली. या वेळी जगदीश शिंदे वरिष्ठ पोलिस निरीक्षक (वाहतूक) उपस्थित होते. या अभियानाअंतर्गत विनाकारण आणि कर्कश हॉर्न वाजवण्याच्या दुष्परिणामांची माहिती चालकांना देण्यात आले. या वेळी कर्कश आवाजामुळे होणारे परिणाम पोस्टरच्या माध्यमातून दाखवण्यात आले तसेच चालकांनी विनाकारण हॉर्न वाजवणे टाळणे पाहिजे, असे आवाहन वाहतूक पोलिस उपायुक्त (उपनगर) राज तिलक रोशन यांनी केले. या वेळी अध्यक्ष रोहित मिश्रा, अन्य सहकारी व कॉलेज विद्यार्थी उपस्थित होते.