नेरूळमध्ये क्रिएटिव्ह फाउंडेशनतर्फे संयुक्त जयंती

बेलापूर, ता. ३ (बातमीदार) : नेरूळ रेल्वे स्थानकाजवळ महाराष्ट्र दिनानिमित्त क्रिएटिव्ह फाऊंडेशन सामाजिक संस्थेतर्फे संयुक्त जयंती सोहळा कार्यक्रमाचा आयोजन करण्यात आला. या कार्यक्रमावेळी सांस्कृतिक कार्यक्रमाचे आयोजन केले होते. क्रिएटिव्ह फाऊंडेशन या संस्थेची स्थापना तरुण मुलांनी मिळून केली आहे. या संस्थेच्या माध्यमातून शैक्षणिक आणि आरोग्य तसेच सरकारी योजना गरजू लोकांपर्यंत पोहोचवण्याच्या कार्य केले जाते. या कार्यक्रमप्रसंगी आमदार मंदा म्हात्रे, अभिनेत्री दीपाली सय्यद, नगरसेवक गिरीश म्हात्रे, नगरसेवक सूरज पाटील, नगरसेवक दशरथ भगत, नगरसेवक मीरा पाटील, नगरसेवक सुरेश शेट्टी आणि संस्थेचे अध्यक्ष संदीप निकम आदी मान्यवर उपस्थित होते.