पोलिसांकडून मुस्लिम बांधवांना शुभेच्छा

भिवंडी, ता. ४ (बातमीदार) ः मंगळवारी ईदनिमित्त शहरातील विविध मशिदींमध्ये सकाळी पारंपरिक वेशभूषा परिधान करून सुमारे पन्नास हजारांहून अधिक मुस्लिम बांधवांनी नमाज अदा केली. पोलिस उपायुक्त योगेश चव्हाण यांनी गुलाबपुष्प देत रमजान ईदच्या मुस्लिम बांधवांना शुभेच्छा दिल्या. केंद्रीय मंत्री कपिल पाटील, महापौर प्रतिभा पाटील, आमदार महेश चौघुले, उपमहापौर इमरान खान, माजी आमदार रशिद ताहीर मोमीन, माजी खासदार सुरेश टावरे, तारीक फारूकी, माजी महापौर जावेद दळवी यांच्यासह मान्यवर नगरसेवकांनी यावेळी मुस्लिम समाजबांधवांची भेट घेऊन शुभेच्छा दिल्या.