मधुबन लेडीज बारवर कारवाई

नवी मुंबई, ता. ४ (बातमीदार) : गुन्हे शाखा व पोलिसांनी संयुक्तरीत्या वाशीतील ‘मधुबन'' या लेडीज बारवर सोमवारी (ता. २) मध्यरात्री छापा मारून १२ महिला, वेटर, मॅनेजरसह एकूण १८ जणांना ताब्यात घेतले आहे. या बारमधील महिला ग्राहकांसोबत अश्लील हावभाव व अंगविक्षेप करताना आढळून आल्याचे सांगून पोलिसांनी ही कारवाई केली.

वाशी सेक्टर-१७ मधील ‘मधुबन'' या लेडीज बारमध्ये काम करणाऱ्या महिला ग्राहकांसोबत अश्लील वर्तन करत असल्याची माहिती पोलिसांना मिळाली होती. त्यानंतर गुन्हे शाखा मध्यवर्ती कक्ष, तसेच युनिट-३ च्या पथकाने वाशी पोलिसांच्या मदतीने सोमवारी मध्यरात्री बारवर छापा मारला. यावेळी बारमध्ये काम करणाऱ्या महिला ग्राहकांसोबत अश्लील चाळे करत असल्याचे, तसेच बारचा मॅनेजर व वेटर त्यांना प्रोत्साहन देताना आढळून आले. त्यामुळे पोलिसांनी १२ महिला, वेटर व बारचा मॅनेजर यासह १८ जणांना ताब्यात घेतले. या सर्वांवर वाशी पोलिस ठाण्यात गुन्हा दाखल करण्यात आला आहे.