मालवणीत भोंग्याविना अजान

मालाड, ता. ४ (बातमीदार) ः भोंग्यावरून सुरू असलेल्या वादाच्या पार्श्र्वभूमीवर मालवणीतील अधिकतर मशिदींत फजरची अजान भोंग्याविना झाल्या. मालवणीत जवळपास २० छोट्या-मोठ्या मशिदी आहेत. मिळालेल्या माहितीनुसार मशीद प्रशासनाने स्वतःहून नियम पाळत अजान भोंग्याविना दिल्या. मात्र जोहर म्हणजे दुपारच्या नमाजासाठी भोंग्यावर अजान पठण करण्यात आले. मात्र या वेळी आवाज काही प्रमाणात कमी होता. तसेच मालवणी परिसरात कोठेही हनुमान चालिसा पठणाचा प्रयत्नदेखील झाल्याची माहिती नाही. त्यामुळे मालवणीत वातावरण शांत आहे. तसेच काल रमझान ईदचा सण शांततेत आणि उत्साहात पार पडला आहे.