बोर्डीत पथसंचलन

बोर्डी, ता. ४ (बातमीदार) ः भोंग्यांचा विवादामुळे वातावरण तापलेले असताना बोर्डीत चोख पोलिस बंदोबस्त ठेवण्यात आला आहे. घोलवड पोलिस ठाण्याचे पोलिस निरीक्षक रवींद्र पारखे व सहाय्यक पोलिस निरीक्षक मयूर शेवाळे यांच्या नेतृत्वाखाली बोर्डी गावात बुधवारी सकाळी ९ वाजता पोलिस पथकाने पथसंचलन केले. बोर्डी गावात १०० वर्षे जुनी मशीद आहे; मात्र येथे फक्त रमझान महिन्यात व ईद सणाच्या दिवशी अजान करण्यासाठी भोंग्याचा वापर केला जातो. याव्यतिरिक्त जवळजवळ ११ महिने भोंग्याचा वापर न करण्याची परंपरा येथील मुस्लिम बांधवांनी जपली आहे.