कर्नाटकी फणस विक्रमगडच्या बाजारात

विक्रमगड, ता. ४ (बातमीदार) ः कर्नाटकीय फणस विक्रमगडच्या बाजारात लवकर दाखल झाले आहेत. विक्रमगडच्या आठवडी बाजारात कर्नाटकी फणसाची विक्री केली जात आहे. कोकणातील फणस मेच्या शेवटच्या आठवड्यात बाजारात दाखल होतील, अशी शक्यता व्यक्त करण्यात येत आहे.
विक्रमगड तालुक्यातही आता मोठ्या प्रमाणावर लोकदेखील फणसाचे उत्पन्न घेत आहेत; मात्र हे फणसदेखील उशिराने बाजारात दाखल होतात. कोकणातील बाजारात सध्यस्थितीत फणसाचे गरे १२०-१५० रुपये किलो दराने विकले जात आहेत; तर एका फणसाची २५० ते ३०० रुपयांना विक्री केली जात आहे. आता फणसाची आवक वाढल्याने भाव कमी होतील, अशी महिती विक्रेते देत आहेत.