१५० अपंगांना कृत्रिम पायांचे दान

शिवडी, ता. ४ (बातमीदार) ः टुगेदर एव्हरीवन अचिव मोअर या विद्यार्थ्यांच्या नेतृत्वाखालील स्वयंसेवी संस्थेने मुंबईतील विविध नामांकित शाळांमधील ११ विद्यार्थ्यांसह १५० हून अधिक जणांसाठी कृत्रिम पाय दान करण्याच्या मोहिमेचे बुधवारी (ता. ४) परळच्या केईएम रुग्णालयात आयोजन केले होते. याअंतर्गत १५० अपंगांना कृत्रिम पाय मोफत बसवून देण्यात आले. महाराष्ट्रातील विविध भागांतील दारिद्र्यरेषेखालील अपंगांना टुगेदर एव्हरीवन अचिव मोअरने जयपूर फूट भगवान महावीर विकलांग सहाय्य समितीच्या मदतीने देण्यात आले. या कृत्रिम पायाने व्यक्ती १० तासांपेक्षा जास्त काळ आरामात आपली कामे करू शकतो, असे संस्थेच्या वतीने सांगण्यात आले.