‘मानाचि’ लेखक सन्मान संध्या

मुंबई ः ‘मानाचि’ अर्थात ‘मालिका नाटक चित्रपट लेखक संघटना’ ६ मे रोजी ७ वर्षे पूर्ण करत आहे. वर्धापनदिन सोहळा ६ मे रोजी दीनानाथ नाट्यगृह, विलेपार्ले येथे सायंकाळी ४ ते ७ या वेळेत होणार आहे. सन्मान संध्येत वैभव जोशी, समीर सामंत, मंदार चोळकर, विजू माने, राजेश देशपांडे, कविता सादरीकरणाचा कार्यक्रम करणार आहेत. समीर चौघुले आणि सहकारी समयोचित प्रहसन सादर करणार आहेत. सर्व रसिकांनी या दर्जेदार सोहळ्याचा आनंद घ्यावा, असे आवाहन ‘मानाचि’चे नवनिर्वाचित अध्यक्ष विवेक आपटे यांनी केले आहे.