भिवंडी ते मुंबई सेंट्रल एसटी बस सेवा सुरू

भिवंडी, ता. ५ (बातमीदार) ः कामगारांची नगरी म्हणून ओळखल्या जाणाऱ्या भिवंडी शहरातील नोकरदार व व्यावसायिक नागरिकांना मुंबई येथे कामासाठी जाण्यासाठी अतिशय त्रास सहन करावा लागत होता. त्यामुळे भिवंडी ते मुंबई सेंट्रल अशी एसटी बस सेवा सुरू करण्यात यावी, अशी मागणी करण्यात येत होती. या मागणीला यश आले असून छत्रपती शिवाजी महाराज चौक, भिवंडी ते मुंबई सेंट्रल अशी एसटी बस सेवा बुधवारपासून सुरू करण्यात आली. या एसटी बस सेवेचा प्रारंभ भिवंडी
शिवसेना शहरप्रमुख सुभाष माने यांच्या हस्ते भगवा झेंडा दाखवून करण्यात आला. यावेळी बस आगार व्यवस्थापक डी. टी. साळुंखे, वरिष्ठ लिपीक चंदू जाधव, बस स्थानक प्रमुख गोसावी उपस्थित होते.